విశ్వకర్మ జయంతి జ్ఞాపకాలు


విశ్వకర్మ జయంతి జ్ఞాపకాలు

నేడు విశ్వకర్మ జయంతి, ఈ సందర్భంగా కొన్ని మధుర జ్ఞాపకాలు నావి. మేము సంబల్పూర్, ఒరిస్సాలో ఉన్నప్పటి రోజుల్లో సంగతి ఇది. అక్కడ హీరాకుడ్ లో ఈ ఉత్సవం ఎంతో వైభవంగా నిర్వహించేవారు. ఆ రోజే అందరూ ఆయుధపూజ చేసేవారు. ఉదయం పూట అన్ని ఫాక్టరీల్లో పూజలు, విందు వినోదాలు ఉండేవి. అది ఆయా ఫాక్టరీల వారు, వారి మట్టుకు చేసుకునేవారు. అసలు హడావుడి అంతా సాయంత్రమే.
హీరాకుడ్ కి 5 నుంచి 6 కిలోమీటర్ల దూరంలోనే మా సంబల్పూర్, బుర్లా ఉండేవి. సంబల్పూర్ జిల్లా హెడ్ క్వార్టర్స్ అయితే, బుర్లా సంబల్పూర్ యూనివర్సిటీ, దీని పేరు జ్యోతీబిహార్, హెడ్ క్వార్టర్స్. సాయంత్రం అయ్యేసరికి ఈ మూడు ప్రాంతాలనుంచీ జనం అంతా కోలాహలంగా హీరాకుడ్ చేరుకునేవాళ్ళు. ఈ వేడుకలు నిర్వహించటానికి అన్ని ఫాక్టరీల వాళ్ళూ, వాళ్ళ వాళ్ల జీతాల నుంచి ఒక రోజు జీతం, కులమతాలకు అతీతంగా, విరాళంగా ఇచ్చేవాళ్ళు. ఆడో సరదా వాళ్లకు. పైగా అందరూ ఈ ఉత్సవాలను ఎంతో వేడుకగా, పోటాపోటీగా చేసేవారు. హీరాకుడ్ పూర్తిగా ఇండస్ట్రియల్ ఎస్టేట్ లాంటిది. దానికి తోడు ప్రపంచ ప్రసిద్ధ హీరాకుడ్ డామ్ కూడా అక్కడే ఉంది. ఆ ఫ్యాక్టరీలన్నీ సాయంకాలం వేళ, దీపాలు పెట్టగానే వాళ్ల ఫ్యాక్టరీ తరఫున టాబ్లూలను ప్రదర్శించేవారు. మన రిపబ్లిక్ డే పెరేడ్ లో ఢిల్లీలో జరిగినట్లు అన్ని టాబ్లూలతో  గొప్ప వూరేగింపు, ప్రోసెషన్, జరిపేవారు. అసలే అందరూ టెక్నికల్ వాళ్లేమో, అన్ని టాబ్లూలు అద్భుతంగా ఉండేవి. సుమారు 2, 3 గంటలు ఆ ఊరేగింపు జరిగేది. ఆ లైటింగ్, ఆ బొమ్మలు, వాటి కదలికలు, మ్యూజిక్, ఎంతో కన్నుల పండుగ గా ఉండేది. 

మానాన్న సెంట్రల్ స్కూల్ ప్రిన్సిపల్. ఆ స్కూల్లోనే పుష్పా అబ్రహామ్ మేడం వుండేవారు, సైన్స్ TGT గా. ఆమె భర్త ఆలిండ్ లో చేసేవారు. పైగా ఆ ఊరేగింపు ఈ మేడం వాళ్ళ ఇంటి ముందు నుంచే సాగిపోయేది. (ఈ మేడం వాళ్ళ బ్రదర్ ఇందిరాగాంధీ గారి ముఖ్య అనుయాయుడు శ్రీ జార్జి అబ్రహామ్ గారు). ప్రతిసారీ పుష్పా మేడమ్ మా ఫామిలీని ఆ సాయంత్రం డిన్నర్ కి పిలిచేవారు. మలయాళ శాకాహార భోజనం తానే వండి పెట్టేవారు. అక్కడ భోంచేసి, (వాళ్ళ ఇంటి లోపల గోడ పక్కనే మాకందరికీ కుర్చీలు వేసి వుండేవి)  ఆ కుర్చీలో కూర్చుని ఆ ఊరేగింపు చూసేవారం. తెల్లవార్లూ బోల్డంత సందడి. అంతా అయిపోయాక వాళ్లకు థాంక్స్ చెప్పి తిరిగి సంబల్పూర్ వచ్చేసే వాళ్ళం. 

ఆ టాబ్లూల్లో విశ్వకర్మ విగ్రహాలు, ఇతర దేవీ దేవతల బొమ్మలు అన్నీ ఉండేవి. కాకపోతే, అన్నీ PoP విగ్రహాలే. మట్టి విగ్రహాలు ఉండేవి కావు. ఈ టాబ్లూలకి పోటీ ఉండేది. బెస్ట్ టాబ్లూలకి ప్రైజ్ లు ప్రకటించేవాళ్ళు. పోటాపోటీగా టాబ్లూలను అలంకరించి ఊరేగించే వారు. పైగా ఈ తతంగమంతా ఎంతో ప్రెస్టేజియస్ గా తీసుకునేవారు. సాధారణంగా ఎప్పుడూ ఫస్ట్ ప్రైజ్ ఆలిండ్ కో, ఇండాల్ కో వచ్చేవి. అవి అల్యూమినియం ఫాక్టరీలు. అప్పటి ఇండాల్ ఇప్పుడు Hindalco అనుకుంటా. ఇవాళ విశ్వకర్మ జయంతి అంటే, ఆనాటి మరిచిపోలేని మధుర జ్ఞాపకాలను మళ్లీ ఇలా చెప్పాలనిపించింది. 🙏


భట్టిప్రోలు విజయలక్ష్మి
9885010650

కామెంట్‌లు

కామెంట్‌ను పోస్ట్ చేయండి

ఈ బ్లాగ్ నుండి ప్రసిద్ధ పోస్ట్‌లు

నిర్వాణషట్కమ్

  నిర్వాణషట్కమ్....1  మనో బుధ్యహంకార చిత్తాని నాహం న చ శ్రోత్ర జిహ్వే న చ ఘ్రాణనేత్రే  న చ వ్యోమ భూమిర్న తేజో న వాయుః చిదానంద రూపః శివోఽహం శివోఽహమ్ భావం: "నేను" అనేది మనసూ కాదు, బుద్ధీ కాదు, అహంకారమూ కాదు, చిత్తమూ కాదు. "నేను" అనేది శ్రోత్రేంద్రియము, రసనేంద్రియము, ఘ్రాణేంద్రియము, చక్షురింద్రియములు కూడా కానే కాదు. "నేను" అనేది ఆకాశము, భూమి, తేజస్సు, వాయువు కూడా కాదు.  ఆత్మను  మనో బుద్ధ్యహంకార చిత్తాలతో   దేనితోనూ పోల్చలేము. ఆత్మ అంటే జ్ఞానేంద్రియాలూ కావు. దానికి పాంచభౌతిక రూపమూ లేదు. "నేను" ఎప్పుడూ నిత్యచైతన్యంగా, శుభస్కరంగా వెలుగుతూనే ఉంటుంది. ఎప్పటికీ "నేను" అనేది ఆ ఒక్క చిదానంద స్వరూపమే. కనుకనే ఆత్మ ఎప్పుడూ సుఖము, మోక్షము ఇచ్చే శివ స్వరూపమే. " నేనే" శివుడను.  నిర్వాణషట్కమ్....2 న చ ప్రాణ సంజ్ఞో న వైపంచవాయుః న వా సప్తధాతుర్న వా పంచకోశాః  నవాక్పాణి పాదౌ న చోపస్థ పాయూ చిదానంద రూపః శివోఽహం శివోఽహమ్  భావం: "నేను" అనేది ప్రాణమూ కాదు, ప్రాణశక్తీ కాదు. పంచ వాయువులతో కూడిన పంచప్రాణాలూ కాదు. "నేను" అనేది చర్మ, రక్త...
మరింత చదవండి

ఓంకారమమలేశ్వరం

చిత్రం
4. ఓంకారమమలేశ్వరం...... ఇప్పుడు ఆ శ్లోకంలోని నాలుగో క్షేత్రాన్ని చూద్దాం. అదే మధ్యప్రదేశ్ లోని ఓంకారేశ్వరంలో వున్న ఓంకారేశ్వర జ్యోతిర్లింగం. నర్మదానది ప్రవహించే ప్రాంతం. నర్మదానది ఇక్కడ వున్న ఒక కొండ వల్ల రెండుగా చీలి నర్మదా, కావేరి అనే రెండు పేర్లతో ప్రవహించి మళ్ళీ ఇక్కడే ఆ రెండు పాయలూ కలిసి తిరిగి నర్మదగానే ప్రవహిస్తుంది. ఈ కొద్ది ప్రాంతం అంతా ఒక లంక వలే ఏర్పడి నదికి ఒకవైపు కొండమీద ఓంకారేశ్వర లింగం, నదియొక్క రెండోవైపు భూమిమీద మమలేశ్వరలింగం ఉంటాయి. ఈ కావేరి వేరు, కర్ణాటక, తమిళనాడులో ప్రవహించే కావేరీనది వేరు. కేవలం పేరు ఒక్కటే, అంతే. స్వచ్ఛమైన గాలి, నీరు ఇక్కడ కూడా పుష్కలం. ఈ కొండ ॐ  అనే ఆకారంలో ఉండటం వల్ల ఈ ప్రాంతం అంతా ఓంకారేశ్వరం అంటారు. ఆదిశంకరులు ఈక్షేత్రం గురించి ఈవిధంగా చెప్పారు. కావేరికానర్మదయోః పవిత్రే సమాగమే సజ్జనతారణాయ | సదైవ మాంధాతృపురే వసంతం ఓంకారమీశం శివమేకమీడే ||  ఈ శ్లోకార్ధం ఏమిటంటే, నిత్యమూ వసంతాన్ని తలపించే ప్రదేశంలో కావేరీ, నర్మదా నదుల సంగమ స్థలమైన మాంధాతృపురిలో సజ్జనులందరినీ తరింప చేయటానికి వెలసిన ఓంకారేశ్వరునకు ప్ర...
మరింత చదవండి

హిమాలయే తు కేదారం

చిత్రం
                     11. హిమాలయే తు కేదారం...... కేదారనాథ్, ఈ ధామం పేరు విన్న కొత్తల్లో యెంత కష్టము, ఖర్చు కదా అక్కడికి వెళ్ళటం అనుకునేదాన్ని. కానీ ఆ పైవాడు తలచుకుంటే ఎటువంటి పని అయినా దానికదే సాధ్యం అవుతుందని తెలిసివచ్చింది. ఒక్కసారైనా వెళ్లగలమా అనుకున్న ఈ క్షేత్రానికి రెండుసార్లు వెళ్లాం. 1995లో ఒకసారి, 2019 జూన్ లో ఒకసారి. 1995 లో చార్ ధామ్ అన్నీ చూసాం. 2019 లో మాత్రం దో ధామ్ మాత్రమే చూశాం. మొదట మా 1995 యాత్ర గురించి చెప్తాను. అది మే నెల. సదరన్ ట్రావెల్స్ వాళ్ళ టూర్ లో వెళ్లాం. అంతకు కొద్దిగా ఒక నెల ముందు మా అమ్మా, నాన్నా ఈ యాత్రకు వెళ్లి అక్కడ కొండచరియలు విరిగిపడటంతో యాత్రని కేవలం బదరినాథ్ వరకే చేసి వెనక్కు వచ్చేసారు. అప్పుడు వాళ్ళు చెప్పారు, ఒంటరిగా వెళ్ళద్దు. ఏదైనా టీమ్ తో వెళ్తే వాళ్ళు అన్నీ అరేంజ్ చేస్తారు అని. దాంతో మేము సదరన్ ట్రావెల్స్ వాళ్లను సంప్రదించి వాళ్ల టీంతో వెళ్లాం. ముఖ్యంగా ఇక్కడ కేదార్ యాత్ర గురించి చెప్తాను.  ఆదిశంకరాచార్యులు ఈ ప్రాంతంలో తపస్సు చేసుకుంటూ ఈ ఆలయాన్ని పునర్...
మరింత చదవండి